Biyahe ng mga eroplano sa Heathrow Airport naantala dahil sa drone

Halos isang oras na naantala ang biyahe ng mga eroplano sa Heathrow Airport sa London dahil sa pinalipad na drone.

Ayon sa tagapagsalita ng paliparan bahagi ng precautionary measure ang pagkansela sa mga biyahe ng eroplano.

Makalipas ang halos isang oras ay naibalik naman na sa normal ang operasyon sa paliparan.

Tinutukoy na ngayon ng Metropolitan Police kung sino ang responsable sa pagpapalipad ng drone.

Noong nakaraang buwan lamang, umabot sa 140,000 pasahero ang naapektuhan matapos suspendihin ang biyahe sa Gatwick Airport naman dahil din sa pinalipad na drone.