Luzon at Visayas, apektado pa rin ng Amihan

Walang namamataang sama ng panahon ang PAGASA sa loob ng bansa sa kasalukuyan.

Sa 4am update ng ahensya, tanging hanging Amihan pa rin ang weather system na nakakaapekto sa bansa.

Makararanas ng bahagyang maulap hanggang sa maulap na kalangitan na may kalat-kalat na mahihinang pag-ulan ang Luzon kabilang na ang Metro Manila at ang buong Visayas.

Maganda naman ang panahon sa Mindanao na may posibilidad lamang ng mga panandaliang pag-ulan dulot ng localized thunderstorms.

Samantala, nakataas pa rin ang gale warning sa mga baybaying dagat ng extreme northern Luzon at ipinagbabawal ang paglalayag ng maliliit na sasakyang pandagat.