Senado ginagawa ang lahat para maipasa ang 2019 budget – Sen. Sotto

Tiniyak ni Senate President Vicente ‘Tito’ Sotto III na ginagawa ng Senado ang lahat para maipasa ang panukalang 2019 national budget.
Ayon kay Sotto, nagdodoble kayod ang Senado matapos ang isang buwang late submission ng Mababang Kapulungan sa 2019 General Appropriations Bill (GAB).

Matatandaang kamakailan lamang ay kwinestyon ng pangulo ng Senado kung bakit huli nang tinalakay ng Mababang Kapulungan ang mga anomalya sa pambansang budget.

Bigong maipasa ng Senado ang 2019 budget noong 2018 ngunit inaasahan nilang malalagdaan na ito ni Pangulong Rodrigo Duterte sa Pebrero.