Inihain sa Kamara ang panukalang batas na magdedeklara sa January 9 ng kada taon bilang special non-working holiday sa buong bansa bilang selebrasyon ng pista ng Itim na Nazareno.
Sa ilalim ng House Bill 8812 na inihain ni Quezon City Rep. Alfred Vargas, magkakaroon ng ugnayan ang iba’t ibang ahensya ng gobyerno para matiyak ang kapayapaan, kaayusan at kaligtasan ng mga sasama sa mga aktibidad ng pista ng Poong Nazareno.
Ayon kay Vargas, ang Feast of Black Nazarene ang isa sa mga pinakamalaking religious celebrations sa bansa na ang Traslacion ay ginagawa hindi lang sa Maynila kundi sa iba pang bahagi ng bansa gaya sa Cagayan De Oro, Samar at ibang lalawigan.
Layon din ng panukalang batas na gawing maayos ang koordinasyon sa public sector para sa peace and order at kaligtasan ng mga deboto ng Itim na Nazareno.
Kapag naging batas, kailangang tumulong ang ilang ahensya ng gobyerno sa Traslacion at iba pang event sa pista ng Poon.