3 miyembro ng gabinete iniimbestigahan ng PACC

Tatlong miyembro ng gabinete ni Pangulong Rodrigo Duterte ang sumasailalim ngayon sa imbestigasyon ng Presidential Anti-Corruption Commission (PACC).

Ayon kay PACC Chairman Dante Jimenez, subject ng kanilang fact-finding inquiry ang tatlong hindi pinangalanang cabinet members.

Matapos ang imbestigasyon, sinabi ni Jimenez na agad nilang ibibigay kay Pangulong Duterte ang kanilang rekomendasyon.

Tumanggi si Jimenez na tukuyin ang tatlong gabinete maging kung saang ahensya sila nabibilang.

Magugunitang ilang miyembro na ng gabinete ang sinibak sa pwesto ng pangulo dahil sa pagkakasangkot sa korapsyon.