Sugatan ang tatlo katao matapos sumabog ang isang LPG tank sa isang food park sa Roxas Blvd. Service Road sa Pasay City.
Ayon kay Pasay City Fire Station chief Supt. John Pinagod, nagkaroon ng ‘leak’ ang tangke na mula sa kusina ng isa sa mga food stalls.
Ang mga nasugatan ay pawang mga empleyado ng stall kung saan sumabog ang LPG.
Isinugod na sa ospital ang tatlo na nagtamo ng second-degree burns.
Sa ngayon, pansamantalang isinara sa publiko ang food park habang isinasagawa ang imbestigasyon sa naganap na pagsabog.
MOST READ
LATEST STORIES