100 bahay, natupok sa sunog sa Brgy. Manresa sa QC; 5 katao, sugatan

 

Nasa isang daang bahay ang tinupok ng apoy sa naganap na sunog sa Mauban Street, Barangay Manresa, sa Quezon City.

Nag-umpisa ang sunog Sabado ng gabi (January 5), habang itinaas sa ika-limang alarma pasado alas-dose ng madaling araw ng Linggo (January 6).

Naging mabilis ang paglaki ng sunog dahil pawang gawa sa light materials ang mga bahay sa nabanggit na residential area.

Tumulong na rin ang mga residente sa mga bumbero sa pag-apula sa sunog.

Limang katao naman ang sugatan sa insidente.

Idineklarang fire under control ang sunog dakong 1:35 ng madaling araw, at fire-out na bago mag-alas tres ng madaling araw.

Pansamantalang namamalagi naman sa Manresa covered court ang mga apektadong residente.