Pinarusahan ng kumpanyang Huawei Technologies ang dalawa nilang empleyado matapos mag-tweet ng New Year greetings sa official Twitter account ng kumpanya gamit ang iPhone.
Isang New Year greetings ang ibinahagi sa Twitter accout ng Huawei at sa isa baba ng tweet nakasulat ang “via Twitter for iPhone”.
Bagaman mabilis na nabura, marami pa rin ang agad nakapuna nito at nakakuha ng screenshots.
Isang internal memo ang inilabas ng Huawei kung saan nakasaad na ang insidente ay nagdulot ng “damage” sa Huawei brand.
Batay sa impormasyon, na-demote ang dalawang empleyado at nawasan ang buwanang sweldo.
Paliwanag ng Huawei, nakaranas umano ng problema ang kanilang social media handler sa desktop computer kaya naisipan nitong gamitin ang kaniyang cellphone na iPhone para i-post ang pagbati.
Isa ang Huawei sa kalaban iPhone sa bentahan ng smartphones.
Katunayan noong January hanggang Setyembre, naungusan ng Huawei ang Apple bilang second largest smartphone vendor sa mundo.