US Embassy, kinundena ang pagsabog sa isang mall sa Cotabato City

Kinundena ng US Embassy sa Pilipinas ang naganap na pagsabog sa isang mall sa Cotabato City noong bisperas ng bagong taon.

Nag-paabot ng pakikiramay ang embahada sa pamilya ng mga biktima.

Umaasa rin ang embahada sa mabilis na paggaling ng mga nasugatan sa insidente.

Dahil sa pagsabog, dalawa ang namatay at aabot sa 34 katao ang nasugatan.

Una nang nangako ang Palasyo ng Malakanyang na aalamin kung sino ang nasa likod ng pagpapasabog sa lalong madaling panahon.