VP Robredo, binisita ang bayan ng Sagñay, Camarines Sur na naapektuhan ng landslide

Binisita ni Vice President Leni Robredo ang bayan ng Sagñay sa Camarines Sur na lubhang naapektuhan ng landslide dahil sa pananalasa ng Bagyong Usman.

Namahagi si Robredo ng financial aid at mga relief goods sa mga biktima ng pagguho ng lupa.

Ayon sa pangalawang pangulo, handa silang tumulong sa mga naapektuhang mga residente.

Sa kasalukuyan ay nasa 30 bangkay na ang nakuha sa lugar.

Hindi na rin inaasahan na may makukuha pang mga survivor sa landslide.

Dahil sa pananalasa ng bagyo ay isinailalim ang mga lalawigan ng Camarines Sur, Camarines Norte at Albay sa state of calamity.