Magnitude 4.7 na lindol, yumanig sa Davao Occidental

Niyanig ng magnitude 4.7 na lindol ang Sarangani, Davao Occidental Martes ng umaga.

Ayon sa Phivolcs, naitala ang episentro ng lindol sa layong 244 kilometers sa Timog-Silangang bahagi ng Sarangani.

Tumama ang lindol dakong 7:09 ng umaga.

May lalim ang lindol na 41 kilometers at tectonic ang origin.

Wala namang naitalang sira at aftershocks matapos ang pagyanig.