Nanatili sa mga evacuation centers dahil sa pananalasa ng Bagyong Usman ang aabot sa 3,448 na mga pamilya o nasa 13,469 na mga indibidwal ayon sa Department of Social Welfare and Development (DSWD).
Apektado ang mga residente ng mga lalawigan ng Cavite, Laguna, Batangas, Rizal, Quezon, Mindoro, Marinduque, Romblon, Palawan, Bicol at ang Eastern Visayas.
Base sa ulat ng DSWD Disaster Response and Management Bureau (DRMB) ay nanatili ang mga apektadong mga residente sa 112 na mga evacuation centers.
Ayon sa DSWD ay may naka-stand by nang mga emergency telecommunication equipment kung kakailanganin.
Sa kasalukuyan, aabot na sa P395,144 na halaga ng tulong ang naibigay ng DSWD sa mga local government units (LGUs).