Andanar, suportado ang rekomendasyon ng DILG na ilabas ang narcolist bago ang 2019 elections

Suportado ni Presidental Communications Operations Office (PCOO) Secretary Martin Andanar ang rekomendasyon ng Department of Interior and Local Government (DILG) na ilabas ang listahan ng mga pulitikong sangkot umano sa illegal drug trade bago ang 2019 midterm elections.

Sa isang panayam, sinabi ni Andanar na sang-ayon siya sa pahayag ni DILG Secretary Eduardo Año para maalalayan ang publiko sa mga dapat iboto sa halalan.

Aniya, karapat-dapat na magkaroon ang bansa ng mga lider na malinis at hindi sangkot sa droga o anumang kriminalidad.

Gayunman, iginiit ng kalihim na dapat ilabas ang listahan ng mga pulitikong napatunayan nang sangkot sa illegal drug trade.