3 patay sa landslide sa Albay

Patay ang tatlong miyembro ng pamilya nang matabunan ng landslide ang kanilang bahay sa Barangay San Francisco, Legazpi City Albay.

Nangyari ang pagguho dakong alas-2:30 ng madaling araw ng Sabado (Dec. 29) pero bandang alas-4:00 na ng umaga ng makuha ang katawan ng mga biktima.

Ang walang tigil na pag-ulan mula kahapon ang itinuturong sanhi ng pagguho.

Ang mga pag-ulan sa Bicol Region ay dahil sa epekto ng Bagyong Usman na ngayon ay isa na lamang low pressure area (LPA).