ABC president ng Lipa City, pinatay habang nasa sabungan

Pinatay ang isang chairman ng barangay ng Lipa City, Batangas habang nasa isang sabungan, Biyernes ng gabi (December 28).

Kinilala ang biktima na si Chairman Marlon Luancing ng Barangay Antipolo del Sur, Lipa City at kasalukuyang ABC president ng naturang bayan.

Ayon sa Batangas Police, naganap ang pamamaril sa Lipa Games and Amusement Complex sa Barangay Balintawak bandang alas-otso ng gabi.

Dinala pa sa ospital ang biktima, ngunit idineklara siyang dead on arrival ng mga doktor.

Iniimbestigahan na ng mga otoridad kung sino ang nasa likod ng krimen, at kung may kinalaman ba ito sa politika.