Ayon sa 2am severe weather bulletin ng PAGASA, huling namataan ang bagyo sa layong 305 kilometro Silangan ng Guiuan, Eastern Samar.
Napanatili nito ang lakas ng hanging aabot sa 55 kilometro bawat oras malapit sa gitna at pagbugsong aabot sa 65 kilometro bawat oras.
Kumikilos ang bagyo sa bilis na 10 kilometro bawat oras sa direksyong Kanluran-Hilagang-Kanluran.
Sa ngayon nakataas ang tropical cyclone warning signal no. 1 sa mga sumusunod na lugar:
• Camarines Norte
• Southern Occidental Mindoro
• Southern Quezon
• Marinduque
• Romblon
• Catanduanes
• Camarines Sur
• Albay
• Sorsogon
• Masbate including Ticao and Burias Islands
• Southern Oriental Mindoro
• Cuyo Island
• Eastern Samar
• Northern Samar
• Samar
• Biliran
• Leyte
• Southern Leyte
• Northern Cebu including Camotes Islands
• Aklan
• Capiz
• Iloilo
• Guimaras
• Antique
• Northern Negros Occidental
• Dinagat Island
Inaasahang isasailalim na rin sa signal no. 1 ang Northern Palawan kasama ang Calamian group of Islands sa susunod na Severe Wather Bulletin.
Ayon sa PAGASA, inaasahang lalakas pa ang Bagyong Usman at magiging isang Tropical Storm bago pa tumama sa Eastern Samar mamayang gabi.
Samantala, bawal ang paglalayag ng mga sasakyang pandagat sa eastern seaboards ng Central at Southern Luzon, eastern seaboard ng Surigao Provinces at mga lugar na nasa ilalim ng warning signal.
Inaasahang lalabas ng Philippine Area of Responsibility (PAR) ang Bagyong Usman sa pagitan ng Linggo ng gabi at Lunes ng umaga.