Publiko dumagsa sa mga sinehan sa unang araw ng MMFF

Gaya ng inaasahan, dumagsa sa mga sinehan ang publiko para sa unang araw ng Metro Manila Film Festival.

Pinilahan ang mga pelikulang kalahok sa MMFF lalo na ang mga pambata ang tema.

Ayon kay MMFF Spokesperson Noel Ferrer target nilang umabot sa P1 billion ang kita ng festival ngayong taon.

Gayunman, mauunawaan naman aniya nila kung hindi nila maaabot ang target dahil ramdam pa ng mga tao ang naging dulot ng inflation.

Mahal na din aniya ang manood sa sinehan ngayon hindi gaya noon.

Noong nakaraang taon, umabot sa mahigit P1 billion ang kinita ng MMFF.