Sa ulat ng Davao City Police Office, hindi baba sa 60,000 ang bilang ng mga taong pumila at kasalukuyang nakapila sa lugar para sa kanilang aginaldo.
Kaugnay nito ay mahigpit ang seguridad na ipinaiiral sa loob ng Central Park Subdivision para na rin sa kaligtasan ng lahat.
Sa pagpasok pa lamang sa nasabing lugar ay mayroon nang itinalagang registration area para mapanatili ang kaayusan sa pila.
Nakatambay rin sa paligid ang ilang miyembro ng Davao City Rescue Team.
Ang Christmas gift-giving ay karaniwan nang tanawin sa bahay ng pamilya Duterte kahit noong mayor pa lamang sa lungsod ang pangulo.
Noong bisperas ng Pasko ay nag-ikot naman sa ilang ospital ang pangulo at namigay siya ng regalo at sinagot ang hospital bills partikular na ng mga batang may cancer.