Palasyo nagpaabot ng pakikiramay sa mga biktima ng volcano tsunami sa Indonesia

Nagpaabot ng pakikiramay ang Palasyo ng Malacañang sa mga biktima ng ‘volcano tsunami’ na tumama sa Indonesia Sabado ng gabi.

Sa isang pahayag, ipinaabot ni Presidential Spokesperson Salvador Panelo ang simpatya at panalangin para sa mga mamamayan ng Indonesia.

Umabot na sa 222 ang nasawi sa malagim na trahedya na partikular na tumama sa South Sumatra.

Samantala, iginiit naman ni Panelo na patuloy na binabantayan ng Department of Foreign Affairs (DFA) sa pamamagitan ng Philippine Embassy sa Jakarta ang sitwasyon ng mga Filipino sa naturang bansa.