Bahay ni Ako Bicol PL Rep. Garbin, nilooban

Nilooban ang bahay ni Ako Bicol Partylist Rep. Alfredo Garbin sa Legaspi City kaninang umaga.

Batay sa impormasyon mula sa Police Regional Office o PRO-5, pinasok ng suspek ang tahanan ni Garbin sa Ridge View Subdivision, sa Barangay Buragwis.

Nangyari ito habang abala si Garbin sa isang press conference para sa yumaong Ako Bicol Partylist Rep. Rodel Batocabe.

Nakapasok ang suspek sa bahay sa pamamagitan ng pagdaan sa bintana sa comfort room, sa ikalawang palapag.

Kabilang sa mga natangay ng magnanakaw ay ang personal bag ni Garbin na may lamang pera at cheque na aabot sa halagang kalahating milyong piso.

Bukod dito, nakuha rin ang isang Rolex na relo at iba pang relo.