Posisyon ni Pang. Duterte sa pag-abolish sa Road Board pinal na – Malakanyang

Pinal na ang posisyon ni Pangulong Rodrigo Duterte hinggil sa kagustuhan nitong i-abolish ang Road Board.

Ayon kay Presidential Spokesperson Salvador Panelo, desidido ang pangulo na i-abolish ang corrupt-ridden na ahensya.

Noong Huwebes (Dec. 20) ng gabi, tinanong umano niya ang pangulo hinggil dito at sinabing ayaw na ng pangulo ang Road Users’ Tax dahil ginagamit itong gatasan ng mga kurap na pulitiko.

Noon pa aniya ayaw ng pangulo sa Road Users’ Tax.

Una nang sinabi ni House Majority Leader Rolando Andaya Jr., na nais ni Pangulong Duterte na panatalihin ang Road Board.