Isusunod na ng Department of Environment and Natural Resources ang Manila Bay rehabilitation project.
Sinabi ni DENR Sec. Roy Cimatu na target nilang linisin ang Manila Bay para buhayin ang swimming activities doon.
Base sa pag-aaral ng mga eksperto, sinabi ni Cimatu na masyadong mataas ang coliform content ng tubig sa Manila Bay kaya delikado ito sa kalusugan ng mga tao.
Bukod sa industrial wastes, lumilitaw sa pag-aaral ng DENR na masyadong mataas ang fecal coliform sa nasabing karagatan.
Sa kalagitnaan ng buwan ng Enero inaasahang sisimulan ang rehabilitasyon ng Manila Bay ayon pa sa kalihim.
Isang dekada na ang nakalilipas nang maglabas ng mandamus ang Supreme Court sa labingtatlong ahensya ng pamahalaan na dapat ay magtulong-tulong para sa pagsasa-ayos ng kundisyon ng tubig sa Manila Bay.
Kinabibilangan ito ng DENR, Metro Manila Development Authority; Departments of Environment and Natural Resources (DENR); Education; Health; Agriculture-Bureau of Fisheries; Public Works and Highways; Budget and Management; Interior and Local Government; Philippine Coast Guard, Philippine National Police-Maritime Group, Philippine Ports Authority, Metropolitan Waterworks and Sewerage System, at Local Water Utilities Administration – to clean up.
Bago ang rehabilistasyon sa Manila Bay ay uunahin munang alamin ng DENR ang mga estero na posibleng pinagmumulan ng dumi na tumatapon sa nasabing karagatan.