Pasok sa lahat ng korte sa buong bansa suspendido sa Dec. 26 at Jan. 2

Sinuspinde ng Korte Suprema ang pasok sa lahat ng korte sa buong bansa sa December 26 at January 2.

Sa abiso ng Supreme Court – Public Information Office, layon ng suspensyon na mabigyang pagkakataon ang mga empleyado ng sangay ng hudikatura na maipagdiwang ng mas mahaba ang holiday season kasama ang kanilang pamilya.

Sakop ng suspensyon ang lahat ng korte sa buong bansa.

Dahil dito, mahabang bakasyon ang naghihintay sa mga empleyado ng korte.

Ang Dec. 24 kasi na araw ng Lunes at Dec. 25 na araw ng Martes ay kapwa deklaradong holiday.

Una nang sinuspinde rin ng Malakanyang ang pasok sa gobyerno at mga public school sa January 2.