Nanlaban ang isang lider ng gang sa Barangay Pooc, Sta. Rosa City, Laguna tanghali kahapon, araw ng Lunes, dahilan upang mapatay ito ng mga pulis.
Kinilala ang nasawing suspek na si Norberto Barredo alyas Badong at nagtatago rin sa pangalang Salvador, na sinasabing lider ng isang criminal gang na sangkot sa ilang kaso ng pagpatay.
Ayon kay Laguna Provincial Police director, Senior Superintendent Eleazar Matta, pumunta ang mga otoridad sa bahay ni Barredo upang ihain ang tatlong bilang ng warrant of arrest laban dito para sa mga kasong murder.
Ngunit imbes na boluntaryong sumuko sa mga otoridad ay bumunot ng baril si Barredo at paputukan ang mga pulis.
Doon na naganap ang engkwentro na ikinasawi ng suspek.
Isang kalibre .45 baril ang nakuha mula kay Barredo.