Sumunod na rin ang iba pang kumpanyang ng langis sa nakatakdang price rollback bukas ng umaga.
Sa kanilang advisory, sinabi ng Chevron Philippines (Caltex), PTT, Jetti, Eastern Petroleum at Clean Fuel na mayroon silang tapyas preso bukas sa halaga ng bawat litro ng gasolina, diesel at gaas o kerosene.
Sa gasolina ay umaabot sa P0.10 bawat litro ang bawas, sa diesel ay P0.25 samantalang P0.25 rin sa gaas.
Ang panibagong rollback ay dulot pa rin ng pagbaba sa presyo ng petroleum products sa world market.
Noong nakalipas na weekend ay nagbababa na rin ng presyo sa kanilang produktong petrolyo ang Seaoil, Phoenix Petroleum at Pilipinas Shell.
Nauna nang sinabi ng ilang insider sa oil industry na posibleng pang masundan ng price rollback sa mga susunod na linggo.