Simula kaninang umaga hanggang sa November 23 ay umiral na ang “no sail zone” sa bahagi ng Manila Bay na sakop ng Pasay City at Lungod ng Maynila.
Sinabi ni Philippine Coast Guard Spokesman Lt. Commander Armand Balilo na bahagi ito ang mahigpit na seguridad na ipatutupad kaugnay sa APEC Summit.
Sakop ng no sail zone ang 2-nautical miles radius mula sa dulo ng Pasig River hanggang sa Pasay City.
Nauna dito ay inabisuhan na ng PCG ang mga shipping companies pati na rin ang mga mangingisda na iwasan muna ang bahaging iyon ng Manila Bay.
Bukod sa mga barko ng PCG, naka-antabay na rin sa ilang bahagi ng Manila Bay ang mga barko ng Philippine Navy at mga fast crafts ng PNP-Maritime Group.
Naka-antabay naman sa Manila Yatch Club ang ilang mga tauhan ng Philippine Coast Guard Auxillary Unit kung sakaling kakailanganin din ang ilang pribadong yate kapag nagkaroon ng mga emergency situations.