Unang nadakip ang isang alyas Iggie. Ginawa ang operasyon kay Iggie sa bahagi ng Pandacan, pero tumakas ito gamit ang motorsiklo at umabot ang habulan hanggang sa Quezon City kung saan siya nasukol.
Nakuha kay alyas Iggie ang apat na sachet ng hinihinalang shabu.
Samantala, sa isa pang operasyon sa Sta Mesa Maynila, naaresto naman ang pinagkukuhanan ng droga ni Iggie.
Nadakip sa isang kwarto sa hotel si alyas Opet at walo pa niyang kasama.
Isang buwan na umanong naka check-in sa hotel si Opet na kalalaya lamang sa bilangguan.
Nakuhanan din ang mga suspek ng mga sachet ng shabu.
Inaalam na ng mga otoridad ang posibilidad na kasabwat ng mga suspek ang ilang empleyado ng hotel kaya nakakalusot sila sa ilegal na aktibidad.