Mga tindahan ng Christmas decors sa QC ipinasara ng BIR

Anim na tindahan ng mga dekorasyon para sa Pasko ang ipinasara ng Bureau of Internal Revenue (BOR) sa Dapitan Arcade at Suki Market sa Quezon City.

Sa ikinasang Oplan Kandado ng BIR, ipinasara ang tindahan na pag-aari ng isang Clarice Norma Maog.

Ayon kay Director Marina De Guzman ng BIR ito ay dahil sa hindi nag-iisyu ng resibo at nagbabayad ng tamang buwis sa BIR ang mga tindahan.

Ang operasyon ay nag-ugat matapos aniya na magsagawa ng surveillance ang mga tauhan ng BIR.

Giit pa ni De Guzman matagal na nilang pinadalhan ng notice ang may-ari para mabigyan ng babala ngunit hindi naman nito inaksyunan.

Nang magsagawa ng Oplan Kandado ang mga tauhan ng BIR ay wala ang may-ari ng tindhan at nakasara ang mga establisyimento.