PUBLIC SERVICE: Scheduled power interruption ng Meralco ngayong araw, Dec. 10

Mawawalan ng suplay ng kuryente ngayong araw, Dec 10 ang bahagi ng Sta. Mesa at Sampaloc sa Maynila.

Sa abiso ng Meralco, mula alas 9:00 ng umaga hanggang alas 2:00 ng hapon mamaya ay may power interruption sa 1st Street sa kahabaan ng V. Mapa sa Sta. Mesa.

Ito ay dahil may line reconstruction work ang Meralco sa 1st Street.

Sa Sampaloc naman, alas 11:30 ng gabi mamaya hanggang alas 4:30 ng umaga bukas ang power interruption sa bahagi ng F. Cayco Streeet.

Ito ay dahil naman sa gagawing reconstruction ng Meralco sa kanilang pasilidad sa naturang lugar.