Batanes, niyanig ng magnitude 3.1 na lindol

Tumama ang magnitude 3.1 na lindol sa Batanes, Sabado ng hapon.

Sa inilabas ng impormasyon ng Phivolcs, naitala ang episentro ng lindol sa layong 1 kilometer Southwest ng Uyugan dakong 5:16 ng hapon.

May lalim itong 33 kilometers at tectonic ang dahilan.

Gayunman, walang naitalang pinsala sa mga ari-arian sa lugar.

Wala ring inaasahang aftershocks matapos ang pagyanig.