Duterte ipinag-utos ang deployment ng isang dibisyon ng militar sa Jolo, Sulu

Inanunsyo ni Pangulong Rodrigo Duterte na ipinag-utos niya ang paglilipat ng isang dibisyon ng militar sa Jolo, Sulu.

Sa talumpati ng pangulo sa Davao City, sinabi nito na ito ay upang maresolba ang isyu sa peace and order sa lugar.

Ikinalulungkot ng presidente ang pagkakasawi ng ilang mga sundalo dahil sa mga sagupaan sa Jolo.

Matatandaang noong nakaraang buwan lamang ay ipinag-utos din ng presidente sa pamamagitan ng kanyang Memorandum Order 32 ang pagdaragdag ng tropa ng militar sa apat na lugar para masugpo ang karahasan.

Bukod pa ito sa hiling ni Duterte sa Kongreso na palawigin pa ang martial Law sa Mindanao na kinumpirma na rin ng Malacañang.