Lambanog pinasusuri ng DOH sa FDA dahil sa insidente ng pagkasawi ng mga umiinom nito

Pinasusuri na ng Deparment of Health (DOH) sa Food and Drug Administration (FDA) ang lambanog dahil sa sunud-sunod na insidente ng pagkasawi ng mga umiinom nito.

Ayon kay Health Sec. Francisco Duque, mandato ng FDA na alamin ang insidente at tiyakin na ligtas ang mga ibinebentang lambanog.

Sinabi ni Duque na posible ang alcohol poisoning lalo na kung masyadong mataas ang alcohol content ng alak.

Sa ilalim ng Philippine National Standard ang alcohol content ng lambanog ay 30 percent. Mas mataas kaysa sa five hanggang seven percent na taglay ng beer.