Anim na US marines ang iniulat na nawawala matapos magkabanggaan ang dalawang American military aircraft sa karagatang sakop ng Japan habang nasa refuelling operation.
Sa pahayag ng US Marines sa Japan nangyari ang aksidente alas 2:00 ng madaling araw sangkot ang dalawang eroplano kabilang ang F-18 fighter at C-130 tanker.
Nagkabanggaan umano ang dalawang aircraft na kapwa kaka-take off pa lamang sa Marine Corps Air Station Iwakuni sa southern Japan.
Isa na ang nailigtas pero ang nalalabing iba pang miyembro ng US Marines ay hindi pa natatagpuan.
Sakay ng C-130 ang limang servicemen, habang lulan naman ng F-18 ang dalawang sundalo.
Inaalam na ngayon kung ano ang naging sanhi ng banggaan habang patuloy na pinaghahap ang limang nawawala.