2 lalaki arestado sa pagsusuot ng uniporme ng pulis sa isang shooting sa Cainta

Arestado ang dalawang lalaki matapos makitang nakasuot ng uniporme ng pulis habang nagshoo-shooting para sa isang pelikula sa Cainta Rizal.

Ayon sa Cainta police, illegal at walang permit mula sa PNP ang ginawang pagsusuot ng uniporme ng dalawang lalaki.

Isang eksena kung saan inaaresto ang isang umano’y drug suspect ang kinukuhanan para sa pelikula nang mangyari ang pag-aresto.

Ang pelikula ay isasali sana sa isang film competition sa Thailand.

Sasampahan ng reklamo sa piskalya ang dalawa ngayong umaga.