Pumanaw na ang negosyanteng si Donald Dee, sa edad na 72-anyos.
Inanunsyo ito ng Employers Confederation of the Philippines o ECOP sa kanilang official Facebook page.
Ayon sa ECOP, malaking kawalan si Dee sa business community.
Si Dee ay nagsilbing presidente ng ECOP, Phoenix Resource and Management Corporation at Pan Pacific Airways.
Naglingkod din siya bilang Honorary Chairman at COO ng Philippine Chamber of Commerce and Industry o PCCI, at dating Council member ng ASEAN Business Advisory Council o ABAC-Philippines.
Naitalaga naman si Dee bilang special envoy for trade negotiations, sa ilalim ng Arroyo Administration.
Kasama rin sa mahabang listahan ng pinagsilbihan ni Dee ang Social Security System o SSS bilang commissioner noong 2001 hanggang 2010, at director ng PLDT.