Pumanaw na si dating U.S. President George Herbert Walker Bush sa edad na 94.
Inanunsiyo ng pamilya ang pagpanaw ng dating pangulo sa Twitter.
Anila, ilang buwan nang mahina ang pangangatawan nito.
Sa inilabas na pahayag ni dating President George W. Bush, ika-43 pangulo ng Amerika, ikinalulungkot nila, kasama ang kaniyang mga kapatid na sina Jeb, Neil, Marvin at Doro, na ipaalam sa publiko ang naturang balita.
Aniya, ang nakatatandang Bush ang aniya’y “best dad” na mahihiling ng sinuman.
Nagpasalamat din ito sa mga nag-alaga at nagdasal para sa kanilang ama.
Nagparating din ng pasasalaman ang nakababatang Bush sa mga nakikiramay na kaibigan at sa residente ng Estados Unidos.
Samantala, hindi naman muna inanunsiyo ng pamilya ang funeral arrangements.
Si George H.W. Bush ang ika-41 presidente ng Amerika.
Matatandaang naunang pumanaw ang asawa nito na si dating First Lady Barbara Bush noong April 17, 2018.