3 “male escorts”, 2 iba pa, arestado sa buy-bust sa QC

Limang drug suspects ang naaresto sa ikinasang buy-bust operation ng mga otoridad sa isang hotel sa Quezon City.

Ginawa ang operasyon, Miyerkules ng madaling araw sa E. Rodriguez kung saan target ang isang “male escort” na si alyas Matt.

Natuklasan kasi ng mga otoridad na maliban sa kaniyang page-escort ay nagbebenta ng ilegal na droga si Matt sa kaniyang mga kliyente bago makipagtalik.

Nakuha mula sa kaniya at dalawa pa niyang kasamahang “male escort” din ang P1,000 halaga ng hinihinalang shabu na aabot sa 24 na sachet.

Sa kabilang kwarto, inaresto naman ang isang teacher at kaniyang runner na nakuhanan ng aabot sa 15 sachet ng shabu.