Kumpiyansa si National Capital Region Police Office Director Guillermo Eleazar na nasala ng husto ang 449 bagong miyembro ng kanilang puwersa.
Ipinanumpa ni Eleazar ang mga bagong pulis, 314 lalaki at 125 babae, sa isang seremonya sa Camp Bagong Diwa sa Taguig City.
Ayon kay Eleazar pinagtibay nila ang kanilang recruitment and selection policy kaya’t tiwala ito na walang maliligaw ng landas sa mga bagong pulis.
Ngunit sa kanyang mensahe, ipinaalala ni Eleazar ang mga kalokohan ng mga bagitong pulis kayat umaasa ito na ang talagang disiplinado ang mga bagong pulis.
Magiging permanente lang ang mga rookie cops kapag nakalusot sila sa isang taon na disciplinary training.
Aniya kailangan pa rin subukan ang kakayahan ng mga bagong pulis sa pagpapatrulya, pag-iimbestiga at pagsasaayos ng trapiko.