Temperatura sa Baguio City, bumagsak sa 12.8 degrees Celsius ngayong umaga

Nakapagtala ng malamig na temperatura sa Baguio City ngayong umaga ng Lunes, Nov. 26.

Ayon sa PAGASA, bumagsak sa 12.8 degrees Celsius ang naitalang temperatura sa Baguio City alas 5:00 ng umaga.

Nitong mga nagdaang araw, pumapalo pa sa 14 hanggang 15 degrees Celsius ang minimum na temperatura sa Baguio.

Inaasahang sa mga susunod pang mga araw ay lalamig pa ang temperatura sa Baguio dahil sa paglakas ng pag-iral ng amihan.