Aspiring lawyers hinimok na makiisa sa laban kontra karahasan sa mga abogado sa bansa

Kasabay ng pagtatapos ng bar examinations ngayong araw ng Linggo, hinimok ng Integrated Bar of the Philippines (IBP) ang mga aspiring lawyers na makiisa sa laban kontra sa karahasan sa mga abogado sa bansa.

Sa isang pahayag, sinabi ni IBP President Abdiel Fajardo na dapat magsama-sama ang lahat ng mga abogado at gustong maging abogado upang hilingin sa pamahalaan na solusyunan ang lumalalang culture of impunity at harassment sa Pilipinas.

Dagdag pa ni Fajardo, trabaho ng pamahalaan na protektahan ang mga abogado na silang nagtatanggol naman sa mga karapatan ng mga mamamayan.

Aniya pa, sa huling datos, 35 mga abogado, prosecutor, at mga hukom ang napatay, kaya naman maituturing ang legal profession na isa sa pinakamapanganib na trabaho.