Ayon sa Jose Abad Santos Police, nakumpiska sa mga suspek ang siyam na pakete ng hinihinalang shabu na nagkakahalaga ng P271, 500 ng hinihinalang shabu, cellphone, P2,400 na cash at P500 na buy-bust money.
Kinilala ng mga otoridad ang apat na suspek na sina Reynalyn Tango, 28-anyos; Dianne Nicole Tango, 22-anyos; Marilyn Tango, 48-anyos; at isang menor de edad na pawang residente ng No. 3192, Interior 21, Pilar Street sa Tondo.
Ikinasa ang drug buy-bust operation sa bahay mismo ng mga suspek at narekober ang mga naturang ebidensya na nagresulta sa pagkakaaresto nito.
Nakatakdang sampahan ang mga suspek ng reklamong paglabag sa section 5 at 11 ng RA 9165 o Comprehensive Dangerous Drugs Act of 2002.