Mahigpit ang seguridad na ipinatutupad sa compound ng Malakanyang.
Bawal nang pumasok sa bahagi ng Arlegui St. at sa bahagi ng DBM ang mga sasakyang walang car pass.
Maging ang mga sasakyang may car pass at marked vehicles ay mahigpit na ring sinusuri at hindi basta-basta nakakapasok.
Nailatag na rin ang tent at mga upuan na magsisilbing media center ng humigit-kumulang 100 media delegation na kasama ni Pres. Xi.
Maliban sa mga watawat ng Pilipinas ay may ikinabit na ring mga watawat ng China sa palibot ng Palasyo para sa pag-welcome kay Xi.
Alas 4:30 ng hapon ang dating ni Pres. Xi sa Malakanyang.
MOST READ
LATEST STORIES