PUBLIC SERVICE: Bahagi ng QC, Manila at Antipolo mawawalan ng suplay ng kuryente

Mawawalan ng suplay ng kuryente ngayong araw ang bahagi ng Quezon City, Maynila at Rizal.

Sa abiso ng Meralco, sa Quezon City, alas 10:00 ng umaga hanggang alas 3:00 ng hapon ang power interruption sa bahagi ng Barangay Kaunlaran sa Cubao.

Sa Maynila naman, alas 9:00 ng umaga hanggang alas 2:00 ng hapon ang power interruption sa ilang mga lansangan sa Sta. Ana.

Habang sa Antipolo City sa Rizal, alas 11:00 ng gabi mamaya hanggang alas 4:00 ng umaga bukas ang power interruption na makaaapekto sa maraming bahagi ng Barangay Mambugan.