Pangulong Duterte hindi umuwi ng Davao; dadalo pa rin sa APEC meetings ngayong araw

Inihayag ni Philippine Ambassador to Papua New Guinea Bienvenido Tejano na hindi umalis ng Port Moresby si Pangulong Rodrigo Duterte.

Ito ay sa kabila ng pahayag ng Malacañang na uuwi na Sabado ng gabi si Pangulong Duterte dahil sa umano’y ‘urgent domestic developments’.

Ayon kay Tejano, dadalo pa rin ang punong ehekutibo sa mga nakatakdang APEC meetings ngayong araw.

Kinumpirma na rin ni Agriculture Sec. Manny Piñol na hindi umalis ng Papua New Guinea ang presidente.

Kabilang sa mga inaasahang dadaluhan nito ngayong araw ay ang International Monetary Fund Informal Dialogue with Leaders.