Ipinasara ng Philippine Charity Sweepstakes Office (PCSO) at ng National Bureau of Investigation (NBI) ang limang “Peryahan ng Bayan” na ino-operate ng Globaltech Mobile Online Corporation sa Quezon City.
Ayon kay PCSO General Manager Alexander Balutan ang isinagawa nilang pagsalakay sa limang peryahan ay nagresulta din sa pagkdakip sa 57 bet collectors ng Globaltech.
Nahaharap aniya sa kasong paglabag sa Anti-Illegal Numbers Games Laws at Cyber Crime Law ang mga nadakip.
Sinabi ni Balutan na nakumpiska nila sa ginawang raid ang mga desktop computer, pekeng PCSO IDs, bet slips, ilang dokumento at mga sasakyan na ginagamit sa pagkulekta ng taya.
Ayon kay Balutan, noo pang 2016 ay terminated na ang Deed of Authority ng Globatech para mag-operate ng “peryahan” dahil sa hindi nito pagre-remit ng kita sa PCSO.