10 bahay nasunog sa Tondo Maynila

Tinupok ng apoy ang aabot sa sampung mga bahay sa sunog na naganap sa Tondo, Maynila.

Nagsimula ang sunog alas 6:50 ng umaga sa Zaragosa at Asuncion Street.

Pawang gawa sa light materials ang mga nasunog na bahay kaya umabot sa 2nd alarm ang sunog.

Alas 7:55 naman ng umaga nang ideklarang fire out na ang sunog.

Inaalam pa kung magkano ang halaga ng mga nasunog na ari-arian.