Higit P2 oil price rollback, ipatutupad sa darating na linggo

Isang bigtime oil price rollback ang sasalubong sa mga motorista sa darating na linggo.

Ito ay dahil sa patuloy na pagbagsak ng presyo ng imported na langis sa world market.

Dahil dito, ito na ang ikalimang sunod na rollback sa presyo ng oil products.

Matatapyasan ng P2.40 hanggang P2.50 ang presyo ng kada litro ng gasolina.

Ang presyo ng diesel naman ay mababawasan ng P2.00 hanggang P2.10 kada litro.

Habang ang bawas presyo sa kerosene o gaas ay papalo sa P1.70 hanggang P1.80 kada litro.

Ang oil price adjustments ay kadalasang ipinatutupad tuwing araw ng Martes.