Higit 1,000 bahay, natupok sa California wildfires

Mahigit sa isang libong bahay ang natupok sa nagpapatuloy na wildfires sa California.

Batay sa ulat, may fatalities o mga nasawi na rin sa sunog pero hindi pa mailabas ang eksaktong bilang.

Mayroon ding mga sugatan, kabilang na ang mga sibilyan at mga bumbero.

Tatlo ang wildfires sa California: ang Camp fire sa Butte County, Hill fire sa Thousand Oaks at Woolsey fire sa may Simi Valley at Calabasas.

Wiped-out o grabe ang epekto ng sunog sa U.S. City of Paradise, at halos naabo na ang siyudad.

Naging mabilis ang pagkalat ng apoy, kaya napilitan ang libu-libong residente na magsilikas.

Idineklara na ni Acting California Governor Gavin Newsom ang state of emergency sa mga lugar na apektado ng wildfires.