P340K na halaga ng shabu nasabat sa buy-bust sa Albay

Aabot sa P340,000 na halaga ng ilegal na droga ang nasabat sa isinagawang buy-bust operation sa Daraga, Albay.

Ayon sa Philippine Drug Enforcement Agency (PDEA), naarestp sa nasabing operasyon ang suspek na si Joseph Sahagun alyas Seph, 33 anyos at residente ng Camarines Sur.

Ginawa ang operasyon sa Barangay Binitayan kung saan isang undercover agent ng PDEA ang nagpanggap na bibili ng shabu kay Sahagun.

Nasabat kay Sahagun ang aabot sa 50 grams ng shabu na nakalagay sa dalawang plastic sachet.

Nakakulong na ngayon sa pasilidad ng PDEA sa Legazpi City ang suspek.