Miho at Jimboy, bagong Big Winners ng Pinoy Big Brother 737

 

Itinanghal sina adult housemate Miho Nishida at si teen housemate Hendrix (Jimboy) Martin bilang bagong Big Winners ng Pinoy Big Brother 737.

Second placer naman sa regular o adult housemates si Tommy Esguerra at sa teen housemates naman ay si Ylona Garcia.

Linggo ng gabi, November 8, inanunsyo sa Big Night ng Pinoy Big Brother 737 ang pagkapanalo ng dalawa.

Nakatanggap ng 56.76% ng boto si Jimboy, habang 43.24 naman ang natanggap ng second placer na si Ylona.

Si Miho naman ay nakatanggap ng 81.96% ng boto habang si Tommy ay nakatanggap ng 18.04%.

Parehong nakatanggap sina Jimboy at Miho ng P1-milyon, Asian Tour Package at bahay at lupa.

Nag-uwi naman ng tig P500,000 ang mga second placers na sina Ylona at Tommy.